ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ :ମୁମ୍ବାଇଠାରେ ତିନୋଟି ମେଟ୍ରୋ ଲାଇନର ଭିତ୍ତିପ୍ରସ୍ତର ସ୍ଥାପନ କଲେ

16

ମୁମ୍ବାଇ,o୭/o୯(ଏଜେନସି) : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ମୁମ୍ବାଇଠାରେ ତିନୋଟି ମେଟ୍ରୋ ଲାଇନର ଭିତ୍ତିପ୍ରସ୍ତର ସ୍ଥାପନ କରିଛନ୍ତି । ମୋଦୀ ଆଜି ମେଟ୍ରୋ-୧୦, ୧୧ ଓ ୧୨ କରିଡରର ଶୁଭାରମ୍ଭ କରିଛନ୍ତି । ପ୍ରାୟ ୧୯ ହଜାର କୋଟି ଟଙ୍କାର ବିଭିନ୍ନ ପ୍ରକଳ୍ପର ଉଦଘାଟନ ଓ ଭିତ୍ତିପ୍ରସ୍ତର ସ୍ଥାପନ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ମୁମ୍ବାଇ ବିମାନବନ୍ଦରରେ ମହାରାଷ୍ଟ୍ରର ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡ଼ନାଭିସ୍ ଓ ରାଜ୍ୟପାଳ ଭଗତ ସିଂହ ସ୍ୱାଗତ କରିଥିଲେ । ଏହା ପରେ ମୋଦୀ ଭିଲେପାର୍ଲେରେ ଥିବା ଲୋକମାନ୍ୟ ସେବା ସଂଘର ମଣ୍ଡପରେ ବିରାଜମାନ ଗଣେଶଙ୍କ ଦର୍ଶନ କରିଛନ୍ତି। ତାପରେ ତିନୋଟି ମେଟ୍ରୋ କରିଡର କାର୍ଯ୍ୟର ଶୁଭାରମ୍ଭ କରିଛନ୍ତି ।ଗୋମୁଖରୁ ଶିବାଜୀ ଚୌକଥିବା ୯.୨ କିଲୋମିଟର୍ ପର୍ଯ୍ୟନ୍ତ ମେଟ୍ରୋ-୧୦ କରିଡର୍, ୨୦.୭ କିଲୋମିଟର୍ ଦୀର୍ଘ ବିଶିଷ୍ଟ କଲ୍ୟାଣରୁ ତଲୋଜା ମେଟ୍ରୋ-୧୨ କରିଡର୍ ଏବଂ ୧୨.୮ କିଲୋମିଟର ଦୀର୍ଘ ବିଶିଷ୍ଟ ବଡାଲାରୁ ଛତ୍ରପତି ଶିବାଜୀ ମହାରାଜ ଟର୍ମିନାଲ ମେଟ୍ରୋ-୧୧ କରିଡର୍ ଉଦଘାଟନ କରିଛନ୍ତି । ଏହା ଦ୍ୱାରା କେନ୍ଦ୍ରୀୟ ଉପନଗର ବଡାଲାରୁ ଦକ୍ଷିଣ ମୁମ୍ବାଇ ଯାଏଁ ଯାତାୟତ ସୁବିଧା ହୋଇପାରିବ ।

ADVERTISEMENT